सद्दाम हुसेनदा सेजि एसे
युद्ध अपराधी हिन्ना बिसि
नरसंहारकारी हतियार थान्जि बिसि
सद्दामसे हानाङ लाजि नरसंहार ?
हानाङ स्याब्जि नरसंहारकारी हतियार ?
हालाओम युद्ध अपराधी ?
हाल्से लाजि ओम युद्ध अपराध ?
हाल्ला ओम कठघरारि राप्सेदा पालो ?
तिनि चालदिजिबा मुला युद्ध अपराध
गाजापट्टिरि
चालदिजिबा मुला नरसंहार
प्यालेस्टाइननि
गोर्गि छुरिसेतेन सेगो एसे
आखिर नरसंहारमिम नरसंहार नोन ताला
नरसंहार लाबा युद्ध अपराधी नोन ताला ।
सद्दाम हुसेनदा सेबा ए
सुलेमानीदा सेबा ए
नेतन्याहुँदा तिकदा जोगाइदिबा ?
युद्ध अपराधीदा तिकदा सागाइदिबा ?
लुङबा मेरि म्हार तिकदा काप्चिबा ?
कानुननि विश्वास मुलाबिसाम एदा
न्यायरि विश्वास मुलाबिसाम एदा
प्रजातन्त्ररि विश्वास मुलाबिसाम एदा
नेतन्याहुँदा कठघरारि उभ्याइदिसि ओन्गो
युद्ध अपराधीदा
फाँसीरि च्योसि ओन्गो ।
तिका देन्बान साहस मुला एरि ?
आँट मुला न्यायला ख्राङगारि राप्पारि ?
संसारसे ङ्योइसि चिसेदा मुला
युगयुगदोना होङ्सेला मुला ङ्योइबा ।
(खोपोङरि स्हेङबा तःमुंज्याला गेताङरि डोबा ह्वाइखा)
