ह्याङ्ला सरकार

ङाइ डान्जि
२०७२ सालला साङगुल
ल्हानान ह्युल्बा जामा डोङजि
ङाइ म्राङजि सरकारला गे ।
भ्रष्टाचार ताजि, खाबा जास्तापातारि
जामादुइरिन ङाइ म्राङजि ।
भारतसे लाबा नाकाबन्दी
खाइ ह्याङला सरकार
राष्ट्रसंघरि निसिनाम
आखाम्नि पाङबारि नाकाबन्दी बिसिनाम ।
ङाइ डान्जि
२०७७ साल लाइ कोरोना
जामादुइरि नोन ल्हानान ह्युल्बा म्राङजि ङाइ डोङबा ।
जामादुइरि नोन म्राङजि ङाइ ह्याङला सरकारला गे
सिबाम सिसि निजि, छोन्बोदा ताजि कादे दुङाल ।
दोसि लिच्छा म्राङजि ङाइ
म्हेनाङ सुङरि ताइकाजि नाम
ल्हानान ग्लारि निजि डुइ
दान्दे नोन म्राङजि सरकारला गे
देन्बा पीडित क्राना लाजि
कार्यकर्तादा ङेना लाजि
खालाइला दिमरि बोरासे बोरा म्ला दोजि
खालाइला दिमरि गेडागिन म्ला आदोजि ।

(खोपोङरि स्हेङबा तःमुंज्याला गेताङरि डोबा ह्वाइखा)