नेपाल तामाङ घेदुङ, इजरायलसे च्युइछा अधिवेशन ङ्योइजि

नेपाल तामाङ घेदुङ इजरायलसे १५ नोभेम्बर २०२४ शुक्रबारकुनु च्युइसे ब्लि दिङसाङ थेन च्युइछा अधिवेशन ङ्योइबा ग्रा पिन्मुला ।

अधिवेशनला लागि घेदुङ इजरायलसे मुल्मि फाराम ठ्वाङजिन्मुला । छार मुल्मि किन्बारि २० सेकेल न्होर ल्हागतिसेला मुला बिसाम खेःबा (पुरानो) मुल्मि नविकरणदा १० सेकेल न्होर ल्हागतिसेला मुला । इजरायल घेदुङसे इजरायलरि मुबा मोक्कोन तामाङ ज्योज्योआले नानाआङादा गेन्दुनला मुल्मि दोबाला लागि फ्यास्हिङ लामुला ।

गेताङ सहजीकरणला लागि दातेला कार्यसमिति थेन निर्वाचन समितिदा ह्रुप ताबारि खाम्सेला ग्रा संयोजक छत्र गोले तामाङ (शंखर)से पिन्मुला ।