छोर्गोले रेगोले ज्योज्योआले नानाआङा
नागा क्राजि दुइ निजि ज्योज्योआले नानाआङा ।
ह्याङ तामाङ गिनोन तासि नि ह्युल्ला ठिमरि दोबारि
खाइमादाम्मान ह्याङ लिच्छा ताजि ह्युल्ला ठिमरि दोबारि ।।
चुरि ह्याङ तामाङ तामाङनोन एला ङाला पार्टी बिसि ब्राजि
थेतासि तामाङकादे गिनोन तासि तोर निआहाम्जि ।
दारेम चु पार्टी आहिन ह्याङ ग्लागिरि डिक्सि निदोजि
उइमा तामाङदा मतवाली बिसि पाङबाकादेदा चु ह्युल्ला ठिमग्यामम व्याङ्दोजि ।
ए ज्योज्योआले नानाआङा दुइ हानाङ दोजि थुम डान्गोले
लोप्खाङरि निसि लोप्पा डोबा लासाइनोन मि च्युमसि आचिउले ।
उइमाला ताम थुम डान्सि ए ङा डिक्सि ङ्हाच्छा नि
ह्याङ म्होकोन जोङला तामाङकादे ग्लागिरि तासि ङ्हाच्छा नि ।।
छोर्गो रेगो तामाङ ज्योज्योआले नानाआङा ह्याङलाइ याङताम म्हाइबारि
तामाङला ङोसेबा धर्म ह्युल्ला ठिमरि ब्रिबारि ।
ह्याङ तामाङसे खाइमादाम्मान म्हिला म्हिदा चु ह्युल्ला ठिमरि दोना लाजि
थेतासि ह्याङ तामाङ खाइमादाम्मान लिच्छा लिच्छा तासि निजि ।।
चु तामाङकादेला सेमरि खाइमाइ बुद्धिला ग्याम आठोङ्जि
उइमा ह्याङदा मतवाली बिसि पाङबाकादेदा भोट युसि ङ्हाच्छा पुइजि ।
दारे ह्याङसे लिच्छा थेन ङ्हाच्छाला ताम गोसि ह्युल्ला ठिमरि निदोजि
तिल्मा ह्याङ्दा म्हे म्हुइ सोबाकादेदा ब्याङ्सि ह्युल्ला ठिमरि निदोजि ।।
घ्याङलेख गाउँपालिका वडा नं ५ बुदुमचुली, सिन्धुली
