ङानि ह्राङ्लान जुका
आखे माम थेन म्हेमेसे
लोप्पिन्बाला ग्योत
काल्बारि याङ्बाला रिमठिम
ओसेम पेठिमदा
म्हासि टिबा ह्युल्बा
ह्याङ म्हाथिबा ह्युल्बा
ह्याङ खाराङ्बा तामाङ ह्युल्बा ।
स्यान्दोग्याम खादेबा लोप्ची
क्रास्यारि किन्जि,
आदाम्सि, आगोसि, सेमरि आकिन्सि
होजुदान ह्राङ्ला सोबा
ह्राङ्ला चा ङोसेबा फ्याबा
ह्याङ म्हाथिबा ह्युल्बा
ह्याङ खाराङ्बा तामाङ ह्युल्बा ।
राङलान आमाग्योत
म्हि चाबा ग्योइ रो
राङ्लान फोला तेन्बारि
खेप्पासुङ लाबारि
तिमुक जेबे देम्बारो
राङ्लान नाङ्बा साङ्गे
राङ्लान घ्याङ, गोन्पा,
म्हाणी छ्योर्तेन मुसाम
स्यानला दिक्पा सेम निबा
ह्याङ खाराङ्बा तामाङ ह्युल्बा
देमेन ह्याङ म्हाथिबा ह्युल्बा ।
तामाङ मुबारि लालाङ लाबा ह्याङ
देबे तामाङला रिमठिम
तामाङला ल्होछारदा
राङ्लान आजिन्बा ह्याङ
ह्याङ म्हाथिबा ह्युल्बा
म्हारमिन्छमला चु दुइसाङरि
राङ्लान काइरन म्लेत्पा ह्याङ
सामार्फा तासाइ नोन
राङ्ला ङ्यानताम आगोबा ह्याङ
सामार्फाला नारा क्रिङ्सि ब्राबा ह्याङ
देबे राङलान छ्यारिला
नोङ्बा लाबा, आखोबा ह्याङ
खाराङबा तामाङ ह्युल्बा
देमेन ह्याङ म्हाथिबा ह्युल्बा ।
डुबर्स, भारत ।
