ह्रुप्ना ह्रुप्नान ब्लाप्जि ताला
समस्याजुगुग्याम ह्यार्जि ताला !
ह्यार्बाकेन लामा जिम्मेवारीसे काङ छेङ्मा
चोननिसि ह्यार्बा तामग्याम ब्रेजि ताला ।
ङ्यान्गोम ए जामेकोला हिन्ना ।
एसे ह्रुप्बा तामग्याम ब्लाप्ला आदे !
समस्याजुगुग्याम ए ह्यार्ला आदे ।
दुनियाँ मिनताबारि आम्हेर्ना (जाग्राम) चिबा मुला
ह्यार्बा तामग्याम म्लेसि नोन ब्रेला आदे ।
कादे म्हुनजुगु छुपनिआम्याङ्नि ताला
दोम्हेतेन दुइ थाबारि आम्याङ्नि ताला
जाम्बुलिङ डाबा म्हाङ थेन आँट थोसि ब्रामा नोन
अक्कारे ग्यालामला चोटसे म्हाङ थेन आँट डाना लाबारि आम्याङ्नि ताला ।
ह्रो ए जामेकोला हिन्ना !
तिलाइ सुस्केरासे म्हुुनारि छुपनिआपुङ
बाध्यतासे ह्राङ्लाछ्याम दुइ थाबारि आपिन ।
तिलादाम्मान लाबारि खाम्ला एसे ह्राङरि विश्वास थान्गो
मुतेबा ग्याम परिक्षा हिन्ना थेसे मेहेनत फ्याआपुङ ।
दुङाल आम्हान्गो ए दिमला जामेगेन हिन्ना !
दुङालदा एसे सेमनिबा ह्रो डान्तोला
मुतेबा बाधा अबरोधदा क्यार ल्हेसिकेन ङ्हाच्छा वाङ्तोला
दोप लिच्छाला ह्यालरि यकिन मुला ले एदा ?
ह्रो एसे मुतेबा स्हेदा सन्तुलनरि थान्सि चम्कप तातोला ।
दोःबा : यकिना अगाध
