ओ तामाङ ज्योज्योआले
ओ तामाङ नानाआङा
ह्याङ्ला रिम (संस्कार)
ह्याङ्ला रिमठिम (संस्कृति)
ह्याङ्सेन सोना लादोला
रिम थेन रिमठिम
ह्याङ्ला ङोसेबा हिन्ना
ह्याङ्ला अस्तित्व हिन्ना ।।१।।
ओ तामाङ ज्योज्योआले
ओ तामाङ नानाआङा
ह्याङ्लान ह्युल्सा
ह्याङ्लान रिमठिम
प्राङ्बो ज्योज्योआले
नानाआङासे
ख्लासि निजि
फिरग्याप ह्युल्लरि
ह्याङ्ला नाम्सदिम ।।२।।
ओ तामाङ म्हेमेमाम
ओ तामाङ आपाआमा
खाजिबा जातरिन ताला
प्राङ्बो थेन फ्युक्पा
फ्युक्पासे लाला सात्तान प्राङ्बोथोरि
शोषण थेन शासन
अन्हेम पिन्न जातीय एकतातेन
जातीय मुक्तिला भाषण ।।३।।
ओ तामाङ ज्योज्योआले
ओ तामाङ नानाआङा
ह्याङ्से सेगे दारेम
ह्याङ्से ङोसेगे,
जात थेन वर्गरि फेबा मुला
जातबिबा ह्याङ्ला
ङोसेबा हिन्ना
वर्गबिबा
प्राङ्बो थेन फ्युक्पा हिन्ना
थे तामाङ मुगाइ
थे बामन थेन बाइ नोन मुगाइ
थे ग्लिङज्योमो चिबा मुगाइ
थे पहाड थेन तराईरी चिबा मुगाइ,
लिच्छारि,
प्राङ्बो, प्राङ्बोन ताला
फ्युक्पा, फ्युक्पोन ताला,
शोषण लाबाम शोषकनोन ताला
ह्युलघात लाबाम ह्युलघातीनोन ताला ।।४।।
ओ तामाङ म्हेम्हेमाम
ओ तामाङ आपग्रेनआमग्रेन
तोजि रो
गणतान्त्रिक ह्युल्लि
तामाङ ह्युलान लोन्पो
स्होजि रो थेसे ह्राङ्ला
दिमम्हे दोबा जुक्ति
आताजि दुङालग्याम्से
प्राङबो तामाङला मुक्ति ।।५।।
ओ तामाङ आपाआमा
ओ तामाङ आस्याङ आङि
जातसे आहिन ह्याङ
वर्गसे गिकनोन ताइ
विचाररी डिक्सि छ्यामनोन ब्राइ
ह्याङ्ला ह्युलदा क्योप्परि
विस्तारवादतेन छेबारि
साम्राज्यवाददा पुङ्बारि
फ्युक्पाला ह्युलठिम
पुँजीवादी व्यवस्था ब्याङसिनाम
प्राङ्बोला स्वर्ग ह्युलठिम
समाजवादी व्यवस्था स्हेङ्बारि ।।६।।
ओ तामाङ आपच्याङ आमच्याङ
ओ तामाङ आले आङा
जातीय लेबा लासिनाम
ह्याङ हाल्लाइ थाछेगे ह्युल न्हाङरि
वर्ग संघर्ष गोसिनाम छेगे ह्याङ
प्राङ्बोला छार ह्युलसा
छार रिमठिम स्हेङ्बारि ।।७।।
काभ्रे
