गोपीबहादुरसे खसी खानाङए ग्याम्से ह्यो लासि बामुबा । थेसे योरि योनान रजन ला मिनला छिमेकीदा ङ्योइसि खसि जिम्मा पिन्सि बिजि, ‘रजन, लाउ है एनिकादे गोर सोम ब्लि डिक्सि चु खसी स्होउ । ज्याना लासि भोज चातोला । ङा आइराकला बन्दोबस्त लासि खाला ।’
रजनसे स्यान्दो गो ङ्ही ह्रोदा फोन लासि ङ्योइजि । थेनिकादे खाजि । क्युइ ब्लुकब्लुक प्योजि । रजनसे खसी पोइना लाजि । क्योङ नोन डिक्सि स्होजि ओम तिङ, न्हे थेन ग्रुङ पटपट ह्रोजि थोङस्याला लागि ।
गोपीबहादुर जर्किन नाङ आइराक बासि दोगाजि । क्योङसेन भुटनतेन जर्किन गि आइराक बेना लाजि । थेलिच्छा स्या फाल्गि म्रेन्नागि चाजि ।
ङ्हीरे लिच्छा प्रहरीजुगु खसि ह्यो म्हाइसिकेन खाजि । गोपीबहादुर जामाकुनु ङ्यासेन ह्यार्जिन्मुबा । प्रहरीसे रजन ला थेन थेला ह्रो गोर ङ्हीदा ह्यो लासि बाबा खसि थासि भोज चाबा पालेरि चुङ्जि ।
२०८१/७/४
दोःबा : यकिना अगाध
