रेगो प्यालेस्टिनी ह्युल्बा रेगो
एलान ह्युलठिम एलान ह्युल्सादा क्योप्परि रेगो,
फासीवादी शत्रुकादेदा नुप्ना (अन्त्य) लासिनाम
ओन्मादाङ्मो हिन्देला ह्युलसा
बाबारि थेन ह्सेङ्बारि रेगो ।।१।।
इजरायली फासीवादला लिब्रोरि रेगो
अमेरिकी साम्राज्यवादला लिब्रोरि रेगो,
जाजाखेबा छ्यामनोन डिक्सि गिनोन तासि
नरसंहार थेन जातीय सफायाला लिब्रोरि छेगो ।।२।।
एलान ह्युल, एलान सारि
नमिनोन दोसि वाङ्जि
च्याननोन दोसि थोन्जि
खाजिबा ताङरि चाजि
थेन ताङरि स्योर्जि,
थेमि साम्राज्यवादी थेन फासीवादीकादेला
स्वभाव नोन हिन्ना,चरित्र नोन हिन्ना,
ह्युल न्हाङ्ला शत्रु थेन
ह्युल फिग्र्यापला शत्रु
ङोसेसि रेगो,
रेगो प्यालेस्टिनी ह्युल्बा रेगो
खल्लाइसे म्ले आखाम्बा दाङमो ह्सेङ्सि रेगो ।।३।।
संकट थेन अभावरी अत्याप आतिउ ए
संकट गोबारि च्युइ ङ्हीला भियतनामीजुगुला
गुरिल्ला युद्धदा नोन च्यागो एसे
चीनना उपनिवेशवाद लिब्रो युद्धए च्यागो एसे
कोरियाली मुक्ति युद्धए च्यागो एसे
अन्हेम लोप्को थे ग्याम्से पाठ
ह्राङ न्हाङरि ल्हेना लाउ सेमबाङ (आत्मबल)
एला ह्युलरि ब्योङ्चिबा
म्रिङकोला थेन जातुगुकादेला
काला कुलो ग्याम्से तासाइ नोन रेगो ।।४।।
लिच्छान हाब, लिच्छान ठुङ्बा
शरणार्थी हिन्ना थे इजरायलीकादे
एलान ह्युल्सा, एलान रिमठिम जिन्नान लाबारि
किन्जि थेसे अमेरिकी साम्राज्यवादला सहयोग
लाजि थेसे एथोरि नरसंहार थेन जातीय सफाया
थेमि अमेरिकी साम्राज्यवादी थेन इजरायली फासीवादी
डिक्सि लाबम सामूहिक नरसंहार हिन्ना,
सामूहिक युद्ध अपराध नोन हिन्ना,
विश्वला न्यायप्रेमी ह्युल्बा एलान पक्षरि मुला
कब्जाकारी थेन फासीवादी शासनला नुप्ना लाबारि
रेगो प्यालेस्टिनी ह्युल्बा रेगो ।।५।।
काभ्रे
