चु ह्याङ्ला ताम्सालिङ्ला काइ डाम्फुला काइ
चु ह्युल्ला ठिमरि दोना लाइ
तामाङकादे गिसेम गि डिक्सि ह्याङ्ला काइ
तोर दोना लाइ
ह्याङ्ला ङोसेबा जम्बुलिङ क्योङनोन छार्न ल्हेना लाइ ।
उइमा आखेम्हेमे सेसि साइसि ह्याङ्ला ग्ला ब्यान्सि बोर्जि
तिनि थेकादे ह्याङ्ला ग्लारि चिसि मोजमस्ती लाजि
ह्याङ्से ताम्सालिङला काइ डाम्फुला काइ तेजि बिसाम
चु ह्युल्ला ठिमरि स्युबा चोहोकादेदा ङ्हाच्छान थोबो स्हुहाजिम ।
दारेम ह्याङ्से सेमनाङला ताम साङग्युर पाङ्सिन चिमुला
ङान्ना ङोसेबा पुइबा ग्ला ताम्सालिङ तोला बिसि बाङ्सिन चिचिमुला
ह्युल्ला ठिमरि तामाङला ङोसेबा दोङराप ब्रिदोला
आहिन बिसाम तामाङकादे लाबा लुङ्सुर दोसी खामा एन्से आज्याबा भारज्या पुइदोला ।
चु तामाङला डाम्फुला काइसे तामाङला ङोसेबा ओन्जि
डाम्फु सोबा सामानोन ह्युल्ला ठिमसे डुङ्सि थान्जि
ह्याङ म्होकोन तामाङ डिक्सि ङोसेबाला काइ ह्युल्ला ठिमरि दोना लाइ
चु ह्याङ्ला ताम्सालिङला काइ डाम्फुला काइ नाम्सा दिमरी दोना लाइ ।
घ्याङलेख गाउँपालिका वडा नं ५ बुदुमचुली, सिन्धुली ।
