माइ !
खाइमा तिहार हाला
ओम
सयपत्री थेन मखमलीजुगु ज्युमङेसि
थाङ ड्वाला ख्राङ्गानाङ
थेदुइरि ङादा ङोबाह्राङ छोर्ला ।
डान्ना एदा बाङ्से
मिनाङ मिख्लि प्लिङ्ला
ओस्सोन ङ्हेला होङ ते ते ।
माइ !
एसे चु जाम्बुलिङ ख्लासि निसाइ नोन
ङाला खोबारि दाते नोन ताजान मुला
एला केबारि दिमथेमेरि ल्हेबा ताङ्बाला दुइजुगु
ङाला न्हाब्याङरि होङ्चिबा मुला
एसे पाङ्बा तोते काइजुगु
ङाइ म्राङ्चिबा मुला दाते नोन
एसे कुल्दुङ (बामे सरेको) ल्हेबा गोङ्माला डामजुगु ।
माइ !
एमि तिरे ङ्हीरेला डोन्बो दोसि
एला डान्बाजुगु जेक्खे ख्लासि
चु जाम्बुलिङ्दा बिदा ह्रिसि निजि
खाइमाइ दोसि आखाबा लासि
तासाइ,
ङादा रेमरेम चोन्ना लाचिबा (झस्काइरहेको) ताला
ए आरेबाला स्हुजुगुसे ।
माइ !
ए खानाङ मुला
सातान ताङ्सि चिउ
योना गाइमारि दोसि ह्रुप ताला ।
(ङाला आङा २०५६ दिङरि डोङ्बा आङा ‘फुर्साङ डोल्मो’दा फुल्बा)
दोःबा : यकिना अगाध
