क्योङनोन पोबाला अर्थ हिन्ना, क्रान्ति
उत्पादनला प्रमुख साधन
सामाजिकरण लाबा हिन्ना क्रान् ि।
सर्वहारा वर्गदा
शासक वर्गला स्थितिरि रेन्बान
समाजदा ग्युइ थेन विज्ञानसे
बुद्धिजीविकरण लाबा हिन्ना क्रान्ति ।
नाङ्बा प्लेबा गे लाबा वर्गला
संघर्षला लाबा लुङ्सुरसे जेक्खे बाला
मुतेबा म्हि जातिला न्यायोचित शान्ति ।
ग्लेठिमशास्त्र मौसम विज्ञान ह्राङ्बान
याखारगि महत्वपूर्ण विज्ञान हिन्ना
माक्र्सवाद नोन क्रान्तिला विज्ञान हिन्ना
शाश्वत देन्बा ताला क्रान्तिला विज्ञान
परिस्थिति अनुकुलतारि
फेबा फेबा किसिमग्याम लागू ताला
क्रान्तिला विज्ञान
खालाइला मुर्खतासे कासि काआखाम
खालाइला दुस्साहससे पाङ्सि पाङ्आखाम
खालाइला इच्छारि चलपए नोन चलप आता ।
क्रान्तिला मन्त्र जप लाबान
माक्र्सवादला क्रान्तिकारी धारदा
कोल्डेङ ताना लाबा संशोधनवादीजुगु
वाला दाज्र्युला लिब्रोरि वाला दाज्र्यु थिबान
हँसिया हथौडादा ब्रेबा
छद्यमभेषी नक्कली कम्युनिष्टजुगु
म्ल्हा थेन पोलुवा दोबाह्राङ
संघर्षला लाबा लुङ्सुरसे
तिरेकुनु अवश्य चेसेला मुला ।
सामुहिक थेन वर्गीय स्वार्थ बिमा
व्यक्तिवाद, नातावाद थेन कृपावादला स्वार्थसे
मक्काप ताबा लाचार हुतिहारा
नालायक वामपन्थी अवसरवादीजुगु
वर्गसंघर्षला चे ख्लासि ह्यार्बा
वर्गसमन्वयला दोङदिरि वाङ्बा
प्रतिक्रियावादीजुगुला रोहवररि
बुला भिख ह्रिबारि बोल्चिबा
आत्मसर्मपणवादी लोङ्खेन लालगद्दारजुगु
नाइसि निबा संशोधनवादला
स्याहार सुसार लाना लानान
ङ्हाप्बा थेन नाङ्बाला
बन्धन ल्हेम्ना ल्हेम्नान
तिरेकुनु ब्लाप्सेला मुला,
न्याय थेन ह्राङ्बाङला विगुल ह्राप्बान
रोग, ख्रेन्बा थेन शोकला नुप्ना लाबारि लडप ताबा
ख्रेन्बा, लिखन्डि ह्युल्बाला
संघर्षला ल्हामसे
थे मुतेबा सिक्री थेन बन्धनजुगु
तिरेकुनु क्रोसि ध्वस्त ताना लासेला मुला ।
खानाङ ङ्हाप्बा थेन नाङ्बा ताला
थेरि विद्रोह थेन विष्फोट रेला रेला
क्रान्तिला नियम चुनोन हिन्ना
फ्युक्पो वर्ग थेन प्राङ्बो वर्ग
मुबाचाबा थेन मुमाचाबा वर्ग
म्होइबा वर्ग थेन मोइसि चिबा वर्ग
मुतेदोना समाजरि वर्गसंघर्ष चलप तासि चिसेलान मुला
क्रान्ति अवश्यम्भावी ताला ।
ग्याप्पा विद्रोहसे
ग्याप्पा दोप्ताला स्वर्ग
ग्याप्पा युग गुर्माह्राङ
सर्वहारा वर्गदा छ्यामरि थोसि लाबा
पूँजीपति वर्गला लिब्रोसे
सामन्त वर्गला स्वर्ग
सामन्ती युग गुर्माह्राङ
मोइबा, पिल्साप ताबा
संगठित सर्वहारा वर्गला
अब्रेबा संघर्षसे ङ्योइबा
थे क्रान्तिकारी लाबा लुङ्सुरसे
पूँजीपति वर्गला
निर्मम ङ्हाप्बा थेन नाङ्बाला जगरि राप्सि
लिखन्डि स्याबा स्याचिबा
अमानवीय नरकीय राज्यसत्ता गुर्सेला मुला
ङ्हाप्बा थेन नाङ्बा सिक्रीजुगु टाङ्सेला मुला
स्यारग्याम्से फेबाकेन लाबा
योला दिनितेन छ्याम
छार स्यो तिबाह्राङ
ङ्हाप्बाला दोपग्याम मुक्त तासि
ह्राङ्बाङ थेन न्यायला बु
सर्वहारा वर्गसे बुन्सेला मुला
लिच्छारि डाबा ह्युल्बाला प्रजातन्त्र
समाजवादलान तासेला मुला ।
काभ्रे
छिगला अर्थ :
ङ्हाप्बा– शोषण, नाङ्बा/दुल्बा– दमन, दोङदिरि– टाङ मुनी, पोलुवा– भुस,
दोःबा : यकिना अगाध
