गिक तासि रेसेला मुला

प्यालेस्टिनी ह्युल्बाला
निर्मम नरसंहार ताबाकेन मुला
मुक्तिला काइ थोसि तिनि
फासीवाद लिब्रो युद्ध लाबाकेन मुला ।१।

इजरायली नश्लवादीजुगु
युद्ध अपराध लाबाकेन मुला
साम्राज्यवादला ह्रोकिन्सि
प्यालेस्टाइन नुप्ना लाबाकेन मुला ।२।

दुल्बा अरबी ह्युल्बा
गिक तासि दोसिन रेसेला मुला
दोपदोप्बा खासु बोसिमाम
आमासा ह्याल ताना लासेला मुला ।३।

युद्ध अपराधला लिब्रोरि
न्यायप्रेमी ह्युल्बा छोर्बाकेन मुला
शान्तिला ह्वाइ कोसि तिनि
जातीवाद लिब्रो लडप ताबाकेन मुला ।४।
काभ्रे