ए… दिनि !
मार स्योङ कुनिरि
आभारा चिसि जालीजुगुला स्याबास्या चेमाला रमिता तिला च्याचिला
ए नोन ब्योङ्ला ले… !
तोर च्यागोम
बामाजुगुसे गो क्युइना लाबा बचेराजुगु
छोनछोन दार्सि ताङराप ताचिबा मुला ।
सिरुगाङला सा पुलुमजुगु
स्हिल्बा (शीत)जुगुसे चालचिबा मुला
ङाला आमा ब्राबा ग्यालामजुगु
अक्करला डुइजुगुसे काचिबा मुला
हिन्ना, ए आरेबासे…
ल्हुन्दिजुगु छोसि (भेला भएर)
दोसि षडयन्त्रला तारेडुइजुगु रेन्चिबा मुला !
अपराधीजुगुला बलौटे महासागरजुगुरि
दोसि ‘सेमजुगु’ म्हासेला मुला
थेतासि, ए दिनि !
तोर च्योगोम !
एला ग्यालामजुगु नोन
रुखो नामजुगुसे ब्योङ्गे लाचिमुला
मार स्योङ कुनिरि धराप चिसि
तिला च्याचिला ? चेमा– स्याबास्याजुजु !
क्रेगो तोर
दारे एला जेबा जोवनला चारो थान्सि
जेवालो जुतोला
र प्लेक निना लातोला–
एला लागि पछ्यौरीसे पासो जुतुला
सुर्काउने ल्हागाब लातोला–
स्हिल्बाजुगु
बामाजुगु
षडयन्त्रजुगु
अपराधजुगु
अक्करला डुइजुगु
थेन, रुखो नामजुगु !
दोःबा : यकिना अगाध
