थेह्राङ लासि ङ्याम्सि आस्हिम्गो ह्राङ
थेह्राङ लासि देबाःन आडोङ्गो ह्राङ
याङ्सि आहिन,
क्रोतोला ह्राङ्ला बुढ्यौली
क्रिङ्सि !
बरु
छेस्ह्युगो स्हेरतेनछ्याम
खाइमादोना आसि
ह्राङ्ला तिङ्ला मे
चु जाम्बुलिङरि
खाजिबाइ महान पुरुषला
छिगसे
चम्काप लाबारि आखाम
आसिबा (अमर) विजुली
तासाइ नोन
थेन्दा लिच्छारि थाहा ताला
सातान डाबा
दोपलान तासेला मुला ।
सिबा ङ्हाच्छा
धिपधिप लाचिला थेनिकादे
तासाइ देबाःन आम्हेर
ज्याबा म्हिजुगु
लिच्छाला छाल रेमा नोन
बिलौना लाचिला
शायद थेन्से लाबारि खाम्सेला मुसिम
झान ह्याल कर्मजुगु
खाल्छे पिङ्छ्युप ड्वासि
केवादा डोङ्बाला गुदोना सजाप लाबारि खाम्ला
थेतासि
थेनिकादे नोन
प्रतिरोध लाचिला
सिबाकेन लाबा ह्यालला
ह्रिम्हिजुगु
खाल्छे ब्योन मुमा
याफ्लारि थिमुबा दिनि
थेनिकादे नोन पछुताप ताला
तिल्दा लाजि थेह्राङ्बा घमन्ड
लिच्छारि नुपनोन तोबा चिम
नुप्बा (गहिरो) दोपरि…
तासाइ, थेनि नोन
देबाः म्हेर्बारि आम्हाइ
दुर्सारि दोगेन लाबा
म्हिजुजु ।
खाल्ला मिजुगु
बुल्कु ताजिन्बा मुला
थेन्ना आम्राङ्बा मि नोन
ताइबा सारह्राङ लासि म्ह्युला
थेनि नोन
देबाः लासि म्हेर्बारि आङ्यान
सिसिकेन निबा स्हेरला
प्रतिरोध लाचिला
थेतासि आपा,
उदास डुइ ङोन्छाङ राप्सि
देबाःन आताइगो
ह्राङ्ला दोपदोप्बा गान्दिरि
बरु ङादा केपिनस्ह्युगो
आपा मोलम पिनस्ह्युगो ।
तासाइ ङाला याखारगिन प्रार्थना मुला
ह्राङ्ला तिङ्ला स्हेर (प्रकाश)
छेचिगाइ
लडप ताचिगाइ
सि लाबा मेतेनछ्याम…।
आपा,
डोङ्बा नोन
संघर्षरिन ज्याबा ताला
थेतासि, देबाःन
डोङ्बादा ख्वाइला आदे…
थेह्राङ लासि ङ्याम्सि स्हिम थास्ह्युगो ह्राङ (तपाई) ।
(बीसौं शताब्दीला ह्वाइखाब्रिखेन डायलन थोमसला अंग्रेजी ह्वाइखा)
छिगला अर्थ : ङयाम्बा– नरम, देबाः– सजिलो, देबाःन– सजिलै, स्हेर– प्रकाश, पिङ्छ्युुप– हरियाली, केबा– सराप,
नेपालीरि दोःबा : अनमोल कंडेल, तामाङरि दोःबा : यकिना अगाध
