जावानीला ताम

म्हिजुगुसे लाला मुतेबा ग्लारि आमदानीला ताम
ङाइ लाला ख्यासि ब्राबा ह्राङ्लान जिन्दगीला ताम ।

ओतेबान महंगो ताबा आहिन्बा चिम म्हार दार्से
म्हिसे म्हिदा थुर्मानोन खाला सुनपानीला ताम ।

मुबा चाबासे सेबा मुला चाबा ल्होलो जातजुगु
मुमा चाबासे क्योलोलो भेउ स्याप्ला नुनपानीला ताम ।

म्हेन्दो क्वासि माली दोबारि दारे खानाङ खेबाः मुला ले
बगैंचारि आहिन दिमदिमरि नोन ङ्यान्तोला फुलदानीला ताम ।

दुइला रेखासे ग्राम्बा च्याम्बार च्युम्बिर ताबाजुगु नोन
लाबा चिम ओन्छ्यान ताङ डिक्ना लासि जावानीला ताम ।
२१ कार्तिक २०८१

दोःबा : यकिना अगाध