तामाङ घेदुङ थेन अन्तर्राष्ट्रिय तामाङ परिषद्से कार्तिक २४ थेन २५ रि नुर ताङ्ला (विषयगत) समितिला खेन्पोजुगुदा जोम्ना ङ्योइबा मुला ।
सिद्धार्थ बुटिक होटेल याम्बुला सिमलटाररि कार्तिक २४ थेन २५ रि तासेला चु पोपला तयारी छ्योजिन्बा परिषद्ला ग्रेनगौराइ थेन घेदुङला गेचोहो सन्चु ब्लोन तामाङसे ग्रा पिन्बा मुला ।
खेन्पो पोपसे सांस्कृतिक पुनः उत्थान समिति, तामाङ कला, संस्कृति, साहित्य तथा इतिहास लेखन समिति, तामाङ मानवअधिकार प्रवर्द्धन समिति, भाषा, लिपि तथा शिक्षा प्रवर्द्धन समिति, अध्ययन, अनुसन्धान तथा क्षमता अभिवृद्धि समिति थेन अन्तर्राष्ट्रिय उच्च स्तरीय तामाङ पञ्चाङ्ग समिति स्हेङ्सेला तामसोर मुला ।
जोम्नारि परिषद्ला स्थायी मुल्मि ह्युलजुगु नेपाल, भारत, भुटान, बर्मा, थाइल्यान्डला प्रतिनिधिजुगु दोगासेला मुला । ल्होलो ह्युलरि गेलाचिबा दर्जन ङ्ही बिमा ल्हाना ह्युल थेन सम्बन्धन मुल्मि गेन्दुनजुगुला प्रतिनिधिसे अनलाईन (भर्चुअल) ग्याम बो किन्सेला मुला ।
जोम्नारि ल्होलो ह्युलला प्रतिनिधिजुगुसे काठुइग्याम सम्बन्धित नुरजुगुरि गेला योजनादा लिच्छाला लि पिन्सि कार्यान्वयनला लागि नुरताङ समिति स्होसेला मुला ।
चु जोम्ना नेपाल तामाङ घेदुङ सङ्घीय गेदिमला डिबा थेन परिषद्ला ङ्योइसाङरि तासेला हिन्ना ।
