आकुर मजदुरला बाङ आकुर
चुङ्जि डुङ्जि बितेमा आकुर !
अमानवीय ङ्हाप्बा, दुल्बा थेन अत्याचारला
ङोेन्छाङ खाइमाइ आकुर ।
ह्रिबा छ्योना आलादेदोना युनियनसे संघर्ष आख्ला
एला म्लाङ कर्तुत क्योङ लिखन्डि ताना आलादे आख्ला
ग्याप्से दोनोन आदो
मजदुर दारे ग्याप्से आदो ।
पुलिससे आतंक जासाइ नोन प्रशासनसे धम्क्याप लासाइ नोन
धर्नारि चिबा मजदुरदा बिल्लीबाठ स्होसि चुङ्साइ नोन
चे ख्लासि ह्यार नोन आह्यार !
जारी मुला, जारी मुला ङान्ना संघर्ष जारी मुला ।
ह्रिबा छ्योना आलादे दोना जारी मुला
म्हातोबा म्हाजिन्जि दारे म्हातोबा तिलाइ आरे
ह्रिबा छ्योना आलादे दोना ङान्ना आन्दोलन थेनआता
हिन्ना ह्रो हिन्ना
आन्दोकारी ह्रो हिन्ना
दारे आन्दोलन थेनआता ।
डाजि बिसाम ह्याङ्ला लागि क्योङ जाम्बुलिङ मुला
ब्रेजि बिसाम क्रान्तिला स्यान्दो ग्रेन मोर्चा ठ्वाङ्ला ।
स्यान्दो मोर्चा ठ्वाङ्ला
स्यान्दो मोर्चा ठ्वाङ्ला ह्रो
एनि दुल्बा आत्याचारीला ङान्छे रे ज्याबाकेन मुला
ल्हानान ग्रेन स्हो आतो धुलो ल्हेम पुङ्ला ।
धुलो ल्हेम पुङ्ला
धुलो ल्हेम पुङ्ला ह्रो ।
आन्दोलनरि ब्रेबा थेन डाबाला ल्होलो घुम्ति खासाइ नोन
निराश ताला आदे कमरेड
प्रतिक्रियावादी, दृष्ट अत्याचारी मजदुर सेबादा
ख्लाला आदे कमरेड
ख्लाला आदे कमरेड
ख्लाला आदे कमरेड ।
(कार्तिक २३ गते २०८१ साल, जोरपाटी, याम्बु)
छिगला अर्थ : जाबा– मच्चिनु
दोःबा : यकिना अगाध
