काङ न्हेबासेका थोबो राब्जि
दुङालला ताम
काङ न्हेसि राप्बा थोबोसे काङ प्लेबा मुला चुरि ।
थोबो जुसि ब्राबा काङ म्राङजि एसे ?
आम्राङजि ताला
काङ जुसि ब्राबा थोबो जेक्खेन म्राङजि ताला ।
थोबोसे खाइमादाम्मान
काङ जुसि रेबा हिन्ना ङा
काङ आरेसाम ङा रेबारि आखाम बिसि
पाङबा थेजि एसे ?
आथेजि ।
थोबोसे ङा
काङफिरि राप्बा मुला बिबा खाइमाइ आम्हान्नि
बरु पाङला ङाइ डुइबा हिन्ना काङ ।
काङ, दोइ पुइला
काङ, ग्यालाम दाङला
काङ, ल्हुइला जे दाप्ला
काङ, थोबो पुइसि ब्राला ।
आम्हान्को थोबोदा तिकाइ था आरे
था मुला थोबोदा मोक्कोन था मुला
थोबोदा काङ था मुला
थोबोदा या था मुला
थोबोदा मि था मुला
ना, नाबेङ, स्वा, सुङ, ले मोक्कोन था मुला
मोक्कोन था मुबासेका काङ जुसि ब्राबा हिन्ना थोबो ।
थोबो न्हाङरि तिका मुला तिका आरे
था आरे काङदा
थोबो न्हाङरि सिना आरे
थोबो न्हाङरि सिङसोर आरे
थोबो न्हाङरि म्हि आरे ।
थोबो न्हाङरि स्यात मुला
थोबो न्हाङरि ताङलिङ मुला
थोबो न्हाङरि तिबाइ मुला
ल्हुन्दि, तावार, पुख्रि, स्वामाइकादे मुला
म्हि आरे ।
थोबोकादे ह्युल्सादा फेसि नेबा मुला
थोबोकादे ह्युल्बादा डेसि स्याबा मुला
थोबोकादे ह्युल्बादा लुसि ब्राबा मुला
थोबोकादे ह्युल्बादा चुङसि चाबा मुला
ए काङ
ङा काङ
ह्याङकादे काङ
थेनुन थोबो पुइसि ब्राबा काङ हिन्ना ह्याङ ।
थोबो न्हेसि ब्राबा काङ
खाइमा दोबा ह्याङ ?
