मेहोप्पा

ग्रेन ख्रेन्बा
छोन्बो केवाला
ब्लुकण हिन्ना
ङ्यासेरिक्यार लानि न्हाबाग्लारि
ग्रेन ख्रेन्बाला
तिक्खुरि डोङ्बा ताला
ह्युलकाङ्सा (संसार)से थेगाइ
सातान सातानला लागि
चु अद्भुत म्हिला नुप्बा
सुनिस्चित मुला ।

खाइमाइ आसिबा ख्रेन्बा
कोन्ज्योसोमसे म्हिदा
ओस्सोन पिन्बा
अपुर्व उपहार हिन्ना
ख्रेन्बाला ज्वालामुखि च्योच्यो
झुल्यासप लाबा रापदा
नाको म्हि, नाको… ।

ख्रेन्बाला अस्तित्वरि
मुतेबा केवाला
ह्याल नाङ्साल लुङ्मुला
खाइमा
ख्रेन्बाला डोङ्बा ताला
ल्हुइला झरिलो नाङ्साल नोन
दोसि आलुङ्बा लासि, झ्याप्पा सिसेला मुला ।

ख्रेन्बाला मेहोप्पादा
केवाला क्यार ङ्यासेदोनान
नाको म्हि, नाको…।
दमक, झाप ।

छिगला अर्थ : मेहोप्पा : अग्निजलन