एसे पिन्बा ग्रान क्युइबारि आखाम्नि ङाइ
एदा याङबारि सिबारि जेखेन आखाम्नि ङाइ ।
माया लाला बिसि एसे मायाला डोइरि ख्लासि निजि
तिलासे खाइमाइ आम्येबा तिङरि सेर पिन्सि निजि ।।
एतेन ङा ङोसि ङोसि या चुङ्सि ब्राबा दुइ थुम डान्जि
दिमरि आपातेन आमादा लुसि ए ङा ह्रुपताबा दुइ थुम डान्जि ।
एसे ग्यालाम गुङरि चाबा ग्रान खानाङ दोजि तिनि
दिनम्हुन आबिना एदेन ब्राबा दुइ खानाङ दोजि तिनि ।।
म्होकोन ताम डान्सि बोर्मा मिरि मिख्लि ताइजि
ए ङालान बिसि ग्रान चाबा म्हिला या चुङ्सि निजि ।
ङादा ल्हानान दुङाल तासाइ एदा खाइमाइ आज्याबा आतागाइ
एला छार ह्रोसे ल्हुइनाङ दुङाल आपिन्गाइ ।।
ए कुरि चिसि क्रामा ङालाइ मिख्लि ताइजि
ए स्यान्देन निमा ङा गिला मिख्लि ताइजि ।
ल्हानान दिङ तामा चु ताम याखारगि व्हाइखा दोजि
दोसिला केबारि ह्रुपताना साङ्गेदा म्होइगो लाथान्जि ।।
घ्याङलेख गाउँपालिका वडा नं ५, बुदुमचुली, सिन्धुली ।
