गजल

माने गाङरि दाज्र्यु फिलफिल ताम चु सेम ल्हानान ताङबा छोर्बा
पोलो खु तासाइ आम्ला चिसि चाम चु सेम ल्हानान ताङबा छोर्बा ।

दिमला अवस्था थेन गरिबि पोखाम्मुवा बिसि फिरक्याप हयुलरि ब्राबाकादे
नाम्सदिरिन तिलाइ लातोला बिसि दोखाम चु सेम ल्हानान ताङबा छोर्बा ।

पुइबा, पिपाला छ्याम्रि म्हिला ग्याबा दोसि चितोबा थे दुइ ग्यामसे
हयाङला म्हि थोन्बा म्राङमा, तारे जाम चु सेम ल्हानान ताङबा छोर्बा ।

ताम्सालिङ तामाङ ह्युल्बा थेन आमा ग्योइदा ल्हेना छार्ना लाबारि
काइ, ब्रिबा थोसि गोर्कि तासि ब्राम, चु सेम ल्हानान ताङबा छोर्बा ।

ल्होछारला दुइरि सुत्ताइ फट्टाफुटटा म्राङबा तामाङ गोइलो थेन ताम
तिनि न्हाङगार खान्दामन म्राङमा थेमा लामा, चु सेम ल्हानान ताङबा छोर्बा ।

काभ्रे