ओन्मा ह्याङ्ला म्हेमे मामसे
गाङ स्योङ थासि, सोदेदोना बोल्सि
का, टु ब्योङ्सि, ह्राङ्से चासि आचाना
लोप्पा डोबाम थारेङ्ला ताम
म्हिला नाङ्बा–ग्याङ्बा, लेबा फेबा थेन
ग्यार्च दुङाल नासि तासाइ नोन ।
तोङ्सोर ल्होला किस्मतसे
ह्याङ दातेला थेन लिच्छा खासेला पुस्तादा
तामाङ ह्युल्सा, थे ह्युल्सा ल्हेना लाबारि
नाम्सा नाम्सारि
चोहो, गान्बा, मुइमी मुबा गेन्दुनसे स्हेङ्सि
रिमठिम ल्हेना लाबारि
बोन्बो, ताम्बा, लामा तेन्सि ।
ह्राङ्लान ग्योइ, व्हाइ, व्हाइराप, रिमठिम
सेराप, ठुङ्राप, दोङराप थेन
ह्याङ्दा ङोसेना लाबा ङोसेबा स्हेङ्सि थान्जि ।
दाते ह्याङला पुस्तासे
पुर्खाला थोरि थेन्से च्यासि
ज्याबा चाबा, क्वान्बा, डोबा, कोबा लाम्याङसाइ नोन
थेन्ना नासो ग्योइ, रिमठिम, छ्योइ धर्म ख्लासि
छार पुस्तादा थेग्याम फेना लासि
जा, जामेदा तोर ताना लाजि बिसि मख्ख तासि
ङा नोन सेबा, गोबा, फ्युक्पा थेन तोर ताबा म्हान्सि
कादे दाम्मान ङोसेबाला ताम ब्रिबा, पाङ्बा
भाषण लाबा लासाइ दाते
थे तिगाइ आरेबा, लिखन्डि ताबा ह्याङसे थाहा नोन आयाङ्जि
ओन्छ्यान ह्याङकादे !
लासे ह्याङ्दा छोर्बा दोन्गाइ ।
तासाइ नोन,
दातेदोना ल्हाना फिबा आरे
ह्याङ गि तासि ह्याङ्दा ङोसेना लाबा तामाङ ङोसेबा
म्हाना आलाइ
थेदा ल्हेना छार्ना लाइ।
(व्हाइखाब्रिखेन नेपाल सरकारला ङ्हाच्छाला गौराइ हिन्ना ।)
नोट : तामाङ डाजाङला ह्राङ्लान मानकीकरण मुला । डाजाङसे थेनोन मानकीकरणला आधाररि ब्रितामकादे डिक्ना लाबा लामुला । ब्रिखेनसे पुइगाबा व्हाइखा चुह्राङ्बा मुला :
ह्यङ् तामाङ
धन बहादुर तामाङ
उन्म ह्यङ् ल म्हेमे मम् सेः
गङ् स्योङ् थासी, सो’ते दोञन भोल्सी,
का, टू ब्योङ्सी, ह्रङ्से चसी अचन,
लोप्प डो’पम् थारेङ् ल तम्,
म्हि ल न’ङ्प – ग्यङ्प, लेप – फेप तेन्
घ्यर्च दुङाल नासी तसै नोन्,
तोङ्सोर ल्हो ल किस्मत से,
ह्यङ् हत्ते ल तेन् लिच्छ ञहसेल पुस्ता त,
तमङ ह्युल् स, थे ह्युल् स ल्हेञन लप रि,
नम्स नम्स रि,
चोहो, घन्ब, मुइम, ‘. मुप घेदुङ स्हेङ्सी,
रिम ठिम ल्हेञन लप रि,
बोन्पो, तम्ब, लम, ‘ तेन्सी,
ह्रङ्लन् घ्योइ, ह्वइ, ह्वइ ह्रप्, रिम ठिम,
सेरप, ठुङरप, दोङ्रप ‘ तेन्
ह्यङ् त ङो से“न लप पहिचान स्हेङ्सी थन्ची।
हत्ते ह्यङ् ल पुस्ता सेः
पूर्खा ल थोञ रि थेन्से च्यासी,
ज्यप चप, क्वन्प, डोञप, कोर्प ल म्य’ङ्सै नोन्,
थेन्न नासो घ्योइ, रिम ठिम, छ्यो–धर्म ‘ ख्लासी,
छार् पुस्ता त थे घ्यम् फेन लसी,
ज, जमे त तोर् तन लची बिसी मख्ख तसी,
ङ नोन् से’प, गोप, फ्युक्प तेन् तोर् तप म्हन्सी,
कतेञ तमन् पहिचान ल तम् ब्रिप, प’ङ्प,
भाषण लप लसैनोन् हत्ते,
थे तिकइ अह्रेप, लिकन्टी तप ह्यङ् से था नोन् अयङ्ची,
ओन्छ्यन् ह्यङ्कते!
ल से ह्यङ् त छोर्व दोन्कै!
तसै नोन्,
हत्ते दोञन ल्हान फिप अह्रे,
ह्यङ् घि तसी, ह्यङ् त ङो से’’न लप तमङ पहिचान
म्हन अलई,
थे त ल्हे’’न, छर्न लई।
