जेठ २ गतेहेन्से बागमती गाउँपालिका, मकवानपुररि स्काउटरि चिबा लोप्खेनजुगुला लागि म्हुना ङ्ही सोम रे स्काउट फ्रेण्डशीप क्याम्प तासेला मुला । बागमती गाउँपालिका युवा थेन क्लाङछ्योङ शाखाला ङ्योइसाङ थेन स्थानीय स्काउट बागमती गेदिमला व्यवस्थापनरि चु क्याम्प ताइसेला हिन्ना ।
क्याम्प न्हाङगारहेन्से बागमती गाउँपालिका, झुरझुरेला महाबुद्ध आधारभूत लोप्खाङला ख्राङगारि तासेला मुला । बागमती गाउँपालिकारि मुबा ५० वटा लोप्खाङ गुङ्ला स्काउट संचालन ताबा लोप्खाङजुगुसे ह्राङ्ला लोप्खेनजुगुदा बो किन्बारि आव्हान लामुला ।
डोबा बिमा स्यान्दो गेजुगुरि बाङ पिन्बा थेन लोप्खेनजुगुरि सामाजिक, मानसिक, बौद्धिक, धार्मिक थेन आध्यात्मिक गुणला बिकास लाबाला लागि क्याम्पला ङ्योइसाङ लाबा हिन्ना ।
गेताङरि बो किन्बा लोप्खाङजुगुसे ह्राङ्ला स्काउट टिम दर्ताला लागि क्योङ लोप्खेनसे गिक्खेदा दरसे तोङ्जा (१ हजार) न्होर फातोसेला मुला बिसाम गेताङरि तोबा स्हेजुगु ह्राङ्सेन बोर्तोसेला मुला ।
स्काउट बिपद् ब्याबस्थापनरि गे लाबा प्रसिद्ध गेन्दुन हिन्ना ।
