ङ्हाच्छा थे दुइरि ङा याखारगि अनारला सेमरि चिबा मुबा, याखारगि ब्लुसे पाङबा थेजि, ‘खाजिबाइ दुइरि ङा दोङ दोसेला मुला, लाबा ङाला हागाजुगुतेन लहराब तासिकेन कोसेला मुला । दिनला स्हेर बाजुगुरि टासेला मुला । ओम, ङा बाह्रा लानोन स्वस्थ्य थेन जेबा म्राङसेला मुला ।’
थेलिच्छा ङ्हिच्छा ब्लुसे पाङजि, ‘एला दिङरि ङाइए नोन चुह्राङबान म्हान्मुबा । तासाइ दारे ङा बस्तुजुगुला सहि आकलन लाबारि खाम्बा ताबा मुला । ङाला मुतेबा आसा ब्यर्थ मुबा ।’
सोमछा ब्लुसे पाङजि, ‘ह्याङला खाजिबाइ लिउ नोन आरे ।’
ब्लिछा ब्लुसे पङजि, ‘उज्ज्वल लिउ नोन आरेबा ह्याङला ल्हुइ जेक्खे याखारगि ठट्टा दोसि चिसेला मुला ।’
ङ्हाछासे काप्जि, ‘जब ह्याङदा ह्राङला दातेलान बारे थाहा आरे, ओम लिउला बारे ताम लाबान बेकार मुला ।’
डुछासे पाङजि, ‘ह्याङला चुह्राङ नोन लासि केवा जिन्सेला मुला ।’
ङिसछाला पालो, ‘ङादा ज्याना लासि थाहा मुला, लिउरि ह्याङला तिला ताला ! तासाइ ङाइ चुदा छिगरि पाङबारि खामचिबा आरे ।’
थेलिच्छा ब्रेछाला पालो खाजि, कुछा, च्युइछा । चुह्राङ नोन लासि थेनिकादे बादबिबाद लाचिजि । हल्लाला कारन ङाइ तिलाइ नोन थेबारि खाम्बा आरेमुबा ।
ङा थेनोन दिन अनारला सेमग्याम थोन्सि ल्हानान उर बेला सेमरि निसि चिजि । बेलला ब्लुजुगु कमजोर मुला तासाइ निरासाबादि बिल्कुल आरे । कारन चुनोन मुबा कि, बेलला ब्लु ल्हानान च्याङना मुबा ओम थे ल्हाना ह्राङबा दुइ सान्त चिबा लामुबा ।
दोःबा : अगाध
