ह्रि थेन म्हि

फ्युफ्यु ह्राप्पान नामेसे बादा छोर्ना लाजि …
बासे फिलिकफिलिक लाबान योदा
योसे खाराला ङ्होरि चोकलासि पिन्जि
ओराङ नोन लासि खारासे छेदा
ह्राक गुबान छेसे लाबाला क्याबोइ
जाजा जाजा बात्तिरदा छिङजि
गिलिच्छा गि
गिलिच्छा गि
छाङमान ह्रि फेत छोर्जि
थेरिन थान्सि सा सुप म्हासि टिबा रोङरोङ
फ्लिक दोसि खाजि छाङमान ह्राङह्राङला ठिरि ।

प्रकृतिला ठि चुङबारि
योदाङसेन म्हि ह्रिरि वाङजि
मोबाइलरि ह्राप्पान ब्रोइ खाबा ह्वाइ
थेना लाबान प्रकृतिला ठि फोनक्योङरि
म्याङबान चिप्स
थुङबान सिम्बा कोक
ओम, ताइना लाबान ख्युङबा गोङमाला जेजुगु ।

ब्राबा मुबा चुङबारि ह्रिला ठि
म्हि का हिन्ना …,
ठि चुङबारि,
चुङसिन फुप्पारि देन्बा ह्रो ताजि थे !

दोःबा : ईश्वर थोकर