पोतोला तामाङ समाजसे बृहत सांस्कृतिक गेताङ ङ्योइसाङ लाजि

ह्याङ्ला पोतोला तामाङ समाजसे ‘जनैपूर्णे मेला तथा बृहत सांस्कृतिक कार्यक्रम’ला ङ्योइसाङ लाबा मुला ।

मणिचुड मेला व्यवस्थापन समितिला डिपारि शंखरापुर ८ कुमारीचोक, शिवपुरी राष्ट्रिय निकुन्ज, याम्बुला श्री वनदेवी आधारभूत विद्यालयला ख्राङ्गारि तासेला चु गेताङरि ल्होलो कलाकारजुगुसे बो किन्सेला ग्रा मुला ।

सुमिना लोसे थान्बा ग्रा आन्सार गेताङ भदौ ३ गते दिनिला १२ ङ्ह्यामाहेन्से तिसेला मुला ।

गेताङरि सुमनबहादुर थिङ तामाङ, श्याम विश्वकर्मा, सुमिना लो, योगेश लामा, बलबहादुर वाईबा, आश्मान लोप्चन, गीता योन्जन, पार्वती भुजेल थेन वीरबहादुर तामाङ ‘च्याङबा’ला छ्याम कलाकारजुगुसे ह्राङ ह्राङ्ला प्रस्तुती पिन्सेला मुला ।