‘गोतोजी छोर्तोजी’ला ११ छा बोताङरि डाजाङला चोहो फूलकुमार बम्जन

नेपाल तामाङ घेदुङ, दक्षिण कोरियासे स्हेङ्बा ‘गोतोजी छोर्तोजी’ गेताङला ११ छा बोताङरि तामाङ डाजाङला चोहो फूलकुमार बम्जनदा डोन्बो स्होबा मुला । गेताङ अगस्ट ३१ तारेख २०२४ कुनु ङ्यासे ९ः१५ बजे कामरे नेपाली दुइ आन्सार भदौ १५ गते कामरे (शनिबार) ङ्यासे डु ङ्ह्यामा तासेला मुला ।

चु बोताङरि ‘तामाङ डाजाङला दोङराप थेन दातेला दुइ ओम सेलो संगीत छार्ना, सोना लाबारि ब्योन पुस्ताला भुमिका’ नुररि अन्तरक्रिया तासेला मुला ।

घेदुङ दक्षिण कोरियाला ग्रेनगौराइ दावा फिन्जो योन्जन तामाङसे स्हेङ्बा चु गेताङरि तामाङ ग्योइ, ग्योइकाइ, कला, धर्म, रिमठिम थेन दोङरापफिरि अन्तरक्रिया तासिकेन खाबा मुला ।

चु बोताङदा नेपाल तामाङ घेदुङ दक्षिण कोरियाला अफिसियल फेसबुक पेजग्याम प्रत्यक्ष ङ्यान्बारि खाम्सेला मुला ।