तामाङ पत्रकार संघसे ह्राङ्ला ३० छा केवासाङरि स्योमि ङ्हि (पत्रकार द्धय) राजु स्याङतान थेन शान्ति वाईबादा ‘तामाङ मिडिया अवार्ड’ पिन्जि ।
ग्रेनडोन्बो बागमती प्रदेश सरकारला मुख्यमन्त्री बहादुरसिंह लामासे स्योमि ङ्हिदा तोङ्जा ङ्हा न्होर, डेनस्योला छ्याम अवार्ड पिन्बा हिन्ना ।
गेताङरि रोशी गाउँपालिकाला चोहो दिनेश लामा, नेपाल टेलिभिजनला महाप्रवन्धक फूलमान वल, तादी गाउँपालिकाला चोहो सन्तमान तामाङ, ग्योइखेन्पो अमृत योञ्जन तामाङ, तामाङ पत्रकार संघला स्हेङ्खेन चोहो रविन्द्र तामाङ, नेपाल सरकारला ह्रोगौराइ रुद्रसिंह तामाङ,
अन्तराष्ट्रिय तामाङ परिषदला ग्रेनगौराइ टासी लामा, संघला ङ्हाच्छाला चोहो प्रतिक ङेसुर तामाङ, जगत दोङ, नेपाल तामाङ घेदुङला ह्रोचोहो सञ्चु ब्लोन, ब्रिखेन डुप वाङगेल मोक्तान, प्रेस युनियन नेपालला संघीय गौराइ लालकुमार मोक्तान, लोकसम्राट चन्द्रकुमार मोक्तानला छयाम स्यान्दो गान्बाजुगुु नोन मुबा ।
गेताङ पत्रकार संघला चोहो सुवास योञ्जनला चोहोदानरि ताबा मुबा ।
