नेपाल तामाङ घेदुङ जिल्ला समन्वय समिति कास्कीसे ९२ छा तामाङ ङोसेबा रेसाङरि गेताङ स्हेङ्सि ज्याबाम्हान्बा पिन्बा थेन डेन लाजि ।
ग्रेनडोन्बो घेदुङला संघीय ह्रोचोहो दीपक वाईबासे छ्योमेरि नाङ्साल म्रासि गेताङला ठ्वाङसेला लाबा मुबा । वाईबासे ठ्वाङसेन लाबान तामाङ ङोसेबा रेसाङला महत्व, तामाङ गेन्दुन थेन तामाङ समुदायसे क्लाङ्तोबा भुमिकाला नुरफिरि ल्हेङ्मो थान्मुबा ।
गेताङरि तामाङ ङोसेबा पिन्बारि दोङरापरि भुमिका क्लाङ्बा म्हेमे जंगबीर तामाङदा हार्दिक श्रद्धासुमन फुल्बा मुबा । छ्यामरि भदौ लारि ताबा डान्बा रेसाङ डोङखेन अमर तामाङ थेन डोङखेन रमेश गोलेदा नोन श्रद्धान्जली फुल्बा मुबा ।
गेताङरि प्रविधिरि इटालीला सियाना युनिभर्सिटीग्याम पीएचडी लाबा घेदुङ कास्कीला ङ्हाच्छाला चोहो डा. दिनेश स्याङ्बोदा डेन लाबा मुबा ।
गेताङरि घेदुङला केन्द्रीय ङ्हाच्छाला चोहो धनप्रसाद तामाङ, गण्डकी प्रदेश ह्रोचोहो, शिवु तामाङ, डेनम्हि डा. दिनेश तामाङ, महानगर गौराइ अन्जना तामाङ, महिला घेदुङ पोखरा महानगर चोहो पवित्रा तामाङ ह्राङ ह्राङ्ला ल्हेङ्मो थान्मुबा ।
जिल्ला चोहो भक्त डुम्जनला चोहोदानरि ताबा गेताङरि डेनताम ह्रोचोहो रितु थोकरसे थान्मुबा बिसाम गौराइ मिनमाया तामाङसे गेताङ स्याङ्बा मुबा ।
