दुङाल

चु सेमला दुङाल खानाङ पाङसे ङाइ
चुर्से ओर्से सेमरि दुङाल पिन्बा म्हिदा तिला पाङसे ङाइ ।
सेम न्हाङरि क्रोसि चिबा दुङाल प्रासाल्बारि आखाम्नि ङाइ
चु ह्राङ्लान म्हिकादे पुजु दोसि खाजि तिला पाङसे ङाइ ।।

सेम न्हाङरि दुङाल तासाइ ङेसि ब्रामुला
म्हिसे तिलादाम्मा पाङसाइ दुङाल छुम्सि चिमुला ।
सेमला दुङाल पाङबारि चु जम्बुलिङरि ग्ला आरेताला
तिलासे ह्राङ्ला म्हिदा पाङ्मा ताली ह्राप्सि इज्जत ब्याङ्ला ।।

चु दुइ खाराङ्बा खाजि सेमरि नासि चिदोबा
कलियुग बिबा चुनोन मुनाम तिनि डान्बा खाबा ।
गिसेम गिदा मानसम्मान आरे केसि ब्राला
सेम न्हाङ्ला दुङाल पाङ्मा एदा ताम थाबा ग्ला ताला ।।

घ्याङलेख गाउँपालिका वडा नं ५ बुदुमचुली, सिन्धुली