राष्ट्रिय नाचघर जमलरि कुमारी लामासे ब्रिबा छ्योइ ‘दर्ज्यु संलाप’ कामरेकुनु ठ्वाङ्सेन लाजि । प्रा.डा. अरुण गुप्तो, डा. विन्दु शर्मा, फूलमान बल, तेःपा पुष्पराज पौडेल थेन ब्रिखेन ह्राङ्सेन क्योङ तासि छ्योइ ठ्वाङ्सेन लाबा हिन्ना ।
ग्योइखेन्पो अमृत योन्जनसे ज्याबाम्हान्बा फुल्बा गेताङरि ग्रेनडोन्बो अरुण गुप्तसे ह्राङ्दा छ्योइसे ल्हानान नुररि ग्युइ पिन्बा थेन छ्योइरि मुबा नुरसे ह्राङ्दा आउदिन प्रभावित ताना लाबाला छ्याम स्थानीय परिवेश थेन चित्रणसे थे ग्लारिन दोसि च्यागे म्हान्बा सेम खाबा बिसि पाङ्जि ।
डा. विन्दु शर्मासे चोमतामरि साम्हि थेन जामेकोलाला नुररि नुप्बा नुर रेन्बा मुला बिसि पाङ्जि । चोमतामरि आख्यानीकरण नोन मुबासे मोक्कोन डोखेनला लागि उपयोगी तासेला पाङ्जि ।
फूलमान बलसे चोमतामरि ग्रेन म्हि थेन ग्रेन नुर आतासाइ नोन ज्याबा थेन स्तरीय मुबा ओम जात थेन वर्णरि थुम्गे लाबा जातला नुररि ब्रिसि महत्वपूर्ण योगदान पिन्बारि खाम्बासे थुजुछे पिन्जि ।
ब्रिखेन कुमारी लामासे ह्राङ्से चोमतामरि खाम्दे प्रयास लाबा थेन सिर्जनात्मक सुझाव ह्राङ्ला लागि सातान स्वीकार्य तासेला बिसि पाङ्जि ।
