7
फोर फोर्बा ग्लिङ मेन्दो राङ्बा
चोङ नोसि सर्जिबा
ज्योमोगाङ नोन मले ए
ए जा ता राप्सि चिबा बाङ मुला
ब्रन्गो बिसाइ आब्रान्न थलल
ब्राबा स्योङ गान्दि नोन मले ए
ए जा दुइला लि ओन्बा ऐना मुला
ब्रा च्योदोला पाडा दोङ योङयोङ
ताना लासि योङ्जिबा
लाबानोन मले ए
ए जा तिङ कोना लबा सा मुला
थुम् थुम्ला म्हुनरि ह्याल तना लुङ्जिबा
मुला सार नोन मले ए
ए जा नाङसालला ह्याल मुला
दोतोबा ग्लारि दोना लाबा
हातोबा ग्लारि दोग्ना लाबा
ग्यालाम नोन मले ए
ए जा दोखाङला गोङ्मा मुला
हाङ्सि गोङ्बा दुइरि लेप्ना लाबा
दिनि नोन मले ए
ए जा डोइला ब्रोइ मुला
दोइ पुइसि ब्लाप्पा दुइरि
हुइ ताबा न्हान नोन मले ए
ए जा ओइमा दाङ्बो हिन्देला
दोङराप मुला
ए जासे किन्तोबाम ङाइ कादे कादे
ए जासे लोप्तोबाम ङाइ कादे कादे
बडु ङाइ एदा पिन्तोबा तिगाइ आरे ।
३० भदौ ,२०८१
