ह्वाइब्रिखेन विक्रम योन्जनला ‘ङा खाजी मैदान री’ ह्वाइ बजाररि

ह्वाइब्रिखेन विक्रम योन्जनला ‘ङा खाजी मैदान री’ काइला ह्वाइ … ग्याम बजाररि खाजिन्बा मुला । ह्वाइ सार्वजनिक ताबातेन १४ के भिउज दोबा मुला बिसाम ७.०६ से सब्सक्राइब लाजिन्बा मुला । ह्रोसे चु बिमा ङ्हाच्छा नोन ‘ङानी दाजुभाई’ ह्वाइ बाजिन्बा मुला ।

विक्रम योन्जनसे ब्रिबा चु ह्वाइदा काइपा सुनिल थोकर थेन काइमो सुमिना लोसे काइ पिन्बा मुला ।

प्रताप जिम्बासे म्युजिक युबा चु ह्वाइला एरेन्ज जोगलाल लामासे लाबा मुला ।

फ्याफुल्ला स्टुडियोरि रेकर्डिङ लाबा चु ह्वाइदा सानुबाबु घिसिङसे मिक्सिङ लामुला ।

तामाङ ज्योज्योआले नानाआङादा चु ह्वाइ ङ्यान्सि ह्याङ्ला ह्वाइ, ग्योइ, रिमठिम ल्हेना, छार्नाकि ह्रो लाबारि डाजाङ स्योस्योला नोन फ्यास्हिङ मुला ।