नेपाल तामाङ घेदुङ, दक्षिण कोरियाला अफिसियल फेसबुक पेजग्याम स्हेङ्सिकेन खाबा ‘गोतोजी छोर्तोजी’ च्युइसे ङ्ही गेताङ ‘मन्जुश्री संवत थेन तत्व ज्योतिष शास्त्र’ क्राछिगरि काठुइ ताबाकेन मुला ।
गेताङला प्रस्तोता दावा फिन्जो योन्जनला ग्रा आन्सार कोरिया दुइ सेप्टेम्बर २८ तारिख २०२४ ला ङ्यासे ९ः१५ कामरेकुनु नेपाली दुइ असोज १२ गते २०८१ ला ङ्यासे ६ ङ्यामा तासेला मुला ।
चु रेमला डोन्बो लामा राजेन्द्र स्याङ्बो तामाङ मुला । ह्रो ङ्युङ्ने ल्हाखाङ गुम्बा धरानला प्रमुख लामा हिन्ना बिसाम तत्व ज्योतिष संघ नेपालला केन्द्रीय चोहो नोन हिन्ना ।
घेदुङ कोरियासे तामाङ ग्योइ, ग्योइकाइ, धर्म, कला, रिमठिम थेन दोङरापदा गोना लासि ह्राङ्ला अस्तित्व थेन ङोसेबाला लागि छोर्ङान बाबारि चु गेताङ स्हेङ्सिकेन खाबा मुला ।
गेताङ ङ्यान्सि ग्युइ पोप्बाला लागि मोक्कोन तामाङ ज्योज्योआले, नानाआङादा ग्रा मुला ।
