म्राङ्बा तस्विर थेन
ब्रिबा भावना बिमा
डान्बा ल्हानान बो ज्याबा थेन
जेबा ताला ।
डान्बा न्हा म्ह्युसि निला
न्हा क्युइसे बाम्सि निला
न्हा म्हासि निला
न्हा फ्याबारि खाम्ला
न्हा खालाइसे ब्यान्सि ब्यानखाम्ला
डान्तोबा डान्बारि आखाम
म्लेतोबा म्लेबारि आखाम
म्लेसे नोन खाराङ लासि म्लेसे
खाजिबा डान्बारि ताला
थे छ्यामरि आता
कादे फ्याआम्बा छाप तापिन्ना
चु डान्बाजुगु
खाजिबाइ तुन्बा ह्रुपरि
म्लेआखाम्बा तापिन्ना
खाजिबाइचा डान्बारि लायक नोन आता ।
डान्बा,
गाङह्राङ नोचिला
ग्लिङह्राङ टल्कप ताचिला
स्योङह्राङ ब्योङ्चिला
संगीतला काइह्राङ होङ्चिला
म्हेन्दोह्राङ सार्चिला
थेतासि,
डान्बासे खाइमा ङेना लाला
खाइमा क्राना लाला
खाइमा ताङ्ला
डान्बासे रंगमन्च उन्ना
खालाइ चेमा दोसि खाला
खालाइ फिलिम दोसि खाला
ओम
पानला आकाररि स्होबा
चु जाजाबा छोन्बो तिङरि खासि
डान्बासे ताजमहल स्होपिन्ना ।
२०८१–६–१
दोःबा : यकिना अगाध
