नाम ओम डुइसे
नाम्साबाजुगु चिहिल बिहिल मुला
डुइसे दिम ङामथामा
दुर्सागाङ स्होबा मुला
प्रकृतिला जेबा लय न्होङ्ना लाबा मुला
आस्याङजुगुसे छाबा ब्लेजुगु
रेमरि शिलाारि कुँदाप लाबा कान्ज्योसोमला कुजुगु
बोसि डोजरसे
स्होबा मुबा आधुनिक राजमार्ग
थेलिच्छा क्रिप पिन्बा डहु आचिनि
ॐ माने पेमे हुङ जपतिसि ब्राबा ग्यालाम आचिनि
घट्टाग्याम खामा दोइ न्हाबा ग्ला आचिनि
मोक्कोन बिमा ल्हाना निबा वात्ति आचिनि
मोक्कोन बिमा ल्हाना फूलपाती फुल्बा देउराली आचिनि
गोठ ख्राङ्गा कुदाप आचिनि
न्हा चिजि गल्ली
न्हा चिजि किसानला जेबा बु
चिनोन आचिनि खालाइला मयुङ, केनस्याङ्बो
ओम आचिनि आस्याङ स्ह्याङला पुखाम
आचिनि नाम्सा छोर्ना लाबा चिवे चराला काइ
आचिनि ओथारो चिचिबा मामानाकाला जाङ
तिला लाजि ताला स्याउरिजुगु
कादे म्हाजि ताला फेबा ग्वाङ्ग्यावङजुगु
कादे विचल्ली मुला तला
तिगागा, गोहोरो थेन मलसाप्राला जोडिजुगु
म्हितेन छ्याम थेन्ना नोन
संसार उजाड ताजि
ङ्हाच्छा स्काभेर
ओम लिच्छा डुइ
क्राबाला स्हु चुह्राङ लासिन काप्बाचिम
थाहा आरे
दोसि कादे नाम्साजुगुदा चुह्राङ्बा दुख खासेला मुला
दारे थे आबोबा साइलुङला युङ्बाह्राङ राप्सि
डुइसे ताइना लाबा सेम नातोबा मुला ।
चौंरीदेउराली, काभ्रे
दोःबा : यकिना अगाध
