नाम्साला साँघुरो इज्जत
ब्लाक्पा स्होबा ताङरि
याखारगि जाबा ग्याम मुबा ङा
थे ग्यामरि थुइसि तिलाइ दुरि वाइबाकेन लामा
याखारगि आसामीसे याखारगि साहुतेन
याखारगि सेवाग्राहीसे याखारगि हाकिमतेन
खाराङ लासि फ्यास्हिङ लासि
किन्ना गे
हिन्ना…. थेह्राङ नोन लासि ह्वाम्सि
च्योलोङ (औंसा) ल्हागतिबा रोरो यारि किन्सि
मख्ख परतिसि
खाइमा नाम्साला नार्तु रेन्बारि
यारि या, बामरि बाम
होस्टेरि हैंसे लासि
थे ग्यामरि ग्यालाम दोचिजि
परिणामतः
पत्याप तिसि चिबाला ह्यो जुम्बि रेन्जि
तरबार ह्राङ नोन ङा ग्याम फिरि
प्राबा रुइक्रिप (वाकप्रतिक)से ख्लापिन्जि
तिङ थेन मस्तिष्कला नाम्सा
चोक्टा खुगुरि ब्लुम्माह्राङ
डोङ्बाला लिच्छा लिच्छा केवा (जीवन) छ्योङ्बा ह्राङ
तिनि न्हुस निजि याखारगि ग्यालाम
दारे खाइमाइ तन्काप तासेला आरे
खाजिबाइ बटुवादा गन्तव्यदोना दोना लाबारि
बरु ङोर पुजु (अरली काँढा) ल्हेगाइ
ङाला गोनाङ
बरु
असार्थकताला बिल्ला नोन तिल्दा खेआतोगाइ
ङाला थेहेन्से चुदोना तन्कप ताबा रेखादा
च्वाट्टा तिल्दा टाङ आतोगाइ
बरु मैन नाङसाल ह्राङ कुटिसि चिचिला
थेनोन बर्दन (सलोदो) च्योच्यो
थेनोन ह्रिला स्योपेङ (हलेदो) च्योच्यो ।
दोःबा : यकिना अगाध
