ह्याङ्लान ह्युलसा, ह्याङ्लान रिमठिम
कादेन गे लासाइ आछ्योनि खाराङ्बा हाजि दुइ
दिमथेमे (परिवार) न्हाबारिन धौधौ तासि
दुङाल नोन दुङालरि सोतोबा खाराङ्बा चु प्राङ्बोला ल्हुइ ।।(१)
कात्दामा म्राङ्साइ म्हाङ खेप्बाखेप्बा
कात्दामा पुइसाइ उद्देश्य खेप्बाखेप्बा
न्होर आरेना छ्योना लाआहम्बा
अभाव नोन अभावरि सोतोबाचिम
खाराङ्बा चु प्राङ्बोला ल्हुइ ।।(२)
डोगे बिसाम डोबा (पढतिबा) न्होर आरे
गे लाइ बिसाम सरकारसे गे पिन्बान आरे
सीप लोप्गे बिसाम सीप लोप्पारि अवसरए आरे
खेती लाइ बिसाम ह्वारि बुए मिननि आरे
ल्हुइ ज्याबा तासि प्राइमान्बा मुला
प्राङ्बोला ल्हुइदा निशुल्क उपचारए आरे,
सरकारदा गुहार्दि बिसाम
ह्युलरि प्राङ्बोला सरकारए हाबान आरे,
खाराङ्बा बेवारिसे मुला प्राङ्बोला ल्हुइ
अकाललिन खाइमा सिला थाहानोन आरे ।।।(३)
खालाइ म्हि दोला शासक
खालाइ म्हि ताला शासित,
खालाइ म्हिसे लाला शोषण
खालाइ म्हिए ताला शोषित,
ह्युल्ला फ्युक्पोजुगुसे पुस्तौपुस्तौदोना
योबा सम्पत्ति छासि
मोजमस्ती लासी चाबारिन योबा,
प्राङ्बोजुगु स्योहिन्दे ङ्यासेदोना
सिनासिना गे लासि अन्न केना लासाइ
चाबरिन आछ्योबा ।
फ्युक्पो झन्झन् फ्युक्पो दोसिगेन निबा
प्राङ्बो झन्झन् प्राङ्बो दोसिगेन निबा ।
खाराङ्बा चु ह्याङ्ला ह्युल्ला लोकतन्त्र ?
बाजिम ह्याङ्से ह्युलरि पुजीवादी प्रजातान्त्र ।।।।(४)
ह्याङ्लान ह्युलसादा क्योप्पारि
प्राङ्बोल ह्युलठिम ह्सेङ्बारि
शत्रु थेन मित्रु ङोसेसि रेनोन तोला दारेम,
विचारसे छ्यामनोन डिक्सि वर्गसंघर्षरि ब्रानोन तोला
ह्युलसाला लि ह्स्याल पोबा लाबा लुङ्सुर बाबारि,
शोषण थेन दमनला छोदा टाङ्बारि ।।।।।(५)
काभ्रे
