नेपाल तामाङ घेदुङ, सउल केन्द्रला वार्षिक साधारणसभा नोभेम्बर १७ कुनु आईतबार योला ११ ङ्ह्यामाहेन्से ताबाकेन मुला । गेताङ सउलला निक नेपाल ट्राभल्सला सभाहलरि तासेला मुला ।
साधारणसभारि गेन्दुनला च्युइसे गिक्छा (११) औं) कार्यसमितिसे निबा दिङ्ला प्रगती विवरण, आर्थिक प्रतिवेदन प्रस्तुत लासेला मुला बिसाम खाबा दिङ्ला कार्ययोजनाफिरि काठुइ तासेला ग्रा मुला ।
‘तामाङ ग्योइ, धर्म, रिम, रिमठिमला प्रबद्र्धन लाइ, तामाङ ङोसेबा थेन अस्तित्वला लागि गिक ताइ’ बिबा नाराला छ्याम २००३ रि सउल केन्द्ररि घेदुङ ठ्वाङ्बा हिन्ना । चु गेन्दुनसे ल्होलो गेन्दुनजुगुतेन ह्रोगे थेन समन्वय लासि ह्राङ्ला दोङरापला ल्हामरि ल्होलो अप्ठेरो दुइला सामना लाबान ह्राङ्ला जातीय ग्योइ, धर्म, रिमठिम, अस्तित्व थेन ङोसेबाला संरक्षण थेन सम्बद्र्धनरि ह्रो पिन्सि खाबा गेन्दुनला केन्द्रीय चोहो राजकुमार स्याङतानसे पाङ्जि ।
कोरियाला ख्यङ्साङ थेन जेजुदो थुमरि ह्राङ्ला शाखा ल्हेना लासि चु गेन्दुनसे ह्रेङ्बा दुइहेन्से ख्यङ्साङरि मुबा नाना आङ दिम (महिला आवास गृह) सेल्टर संचालन लासि सेवा पिनचिबा चु गेन्दुनला ग्रेनगौराइ दावा फिन्जो तामाङसे ग्रा पिन्जि ।
नेपाल तामाङ घेदुङ दक्षिण कोरिया सउल केन्द्रला चु वार्षिक साधारण सभादा भव्य थेन ज्याना लासि जिन्ना लाबारि शाखाला चोहोजुगु, पदाधिकारी थेन मुल्मिजुगु, ग्रोइपाजुगु, विभागीय प्रमुखजुगु, क्लाङ्खेन, ल्होलो गेन्दुनला चोहो थेन प्रतिनिधिजुगु, क्योङ शुभचिन्तक, मुतेबा नेपाली ज्योज्यो आले ओम नानाआङादा थेरि दोगाबाला लागि ङ्योइसाङ गेन्दुनला म्होइजेन मुला ।
